Aktivitetet

Adventure in white Opoja

Përshëndetje dashamirë të bjeshkatarisë dhe Hiking Njerit, shpresojme që të gjithë jeni mirë ! Ju informojmë se Hiking Njeri këtë të Diele më 11 mars do të organizojë ecjen dimërore për në bjeshkën e

Përshëndetje dashamirë të bjeshkatarisë dhe Hiking Njerit,

shpresojme që të gjithë jeni mirë !
Ju informojmë se Hiking Njeri këtë të Diele më 11 mars do të organizojë ecjen dimërore për në bjeshkën e Opojës, përkatësisht te Guri i Zi dhe Maja e Skarpës.
Është hera e parë që Hiking Njeri do ta organizojë ecjen me grup në bjeshkë të Opojës gjatë dimrit. Pamjet gjatë kësaj stine janë të kthjellëta, të gjera dhe spektakulare.
Kjo bjeshkë gjendet në Sharrin e Dragashit, mbi disa fshatra si Blaq, Bresanë dhe Zaplluxhë. 
Moti këtë weekend në bjeshkë të Sharrit do të jetë i kthjellët dhe i ngrohët me temperatura deri në 13 gradë celsius.

Në plan është të arrihet deri te stacioni i parë, Guri i Zi dhe të krijohet baza, ndërsa të tjerët që kanë dëshirë dhe mundësi, të ecin deri te Maja e Skarpës.

Nisja do të bëhet nga Prishtina në orën 07:00 të mengjesit dhe kthimi (nëse gjithcka shkon mirë) kah ora 2130. Në Prizren do të jemi PARA stacionit të autobusave (te rruga kryesore) në orën 0845. Numri kontaktues 044 205 236 Festimi.

Gjatësia komplete e ecjes është rreth 24 km (ngjitje dhe zbritje) dhe hynë në kategorinë e ecjeve me vështërsi mesatare nëpër shteg të mbuluar me borë.

Gjatë këtij organizimi do të keni mundësi të ecni dhe shihni: 
Komplet Opojën me majet e saja si Vërtopin, Karanikollën, Skarpën, Majën e Begut, të gjitha fshatrat e Opojës, Gurin e Zi të Opojës, Koritnikun, Pashtrikun, Cvilenin, liqenet e Skarpës etj.
Pamjet nga Guri i Zi jane shumë të gjëra ndërsa nga maja e Skarpës janë 360 shkallëshe. 

Mbathjet duhet të jene COKULLA / Pllanika (ose diçka të ngjajshme) Veshja të jetë si në kushte dimri anipse gjatë ngjitjes ecja do të bëhet me rroba të lehta. Merrni kremë kundër diellit !
Te merrni së paku 1.5 L me ujë me veti. 

Pjesmarrja 10 EU për person
Per ata që kanë dëshirë të ecin më lehtë nëpër borë, renti i "snow walking shoes" me qera për një ditë bën 3 EU. Rezervimet bëhen paraprakisht.

Hiking Njeri fton të gjithë të interesuarit që ta rezervojnë vendin përmes telefonit 045 834 141 (viber) dhe 044 205 236 (viber).

I LUSIM PJESMARRËSIT QË TË JENË TË SAKTË (disa minuta përpara) TE VENDI I NISJËS NË 0650 PR dhe PZ 0840. PËR ÇDO VONESË TË INDIVIDIT NUK MARRIM PËRGJEGJËSI.

Ejani dhe shijoni bukuritë e Opojës !

Live to the Maxx !
Hiking Njeri

OJQ HIKING NJERI NUK MERR PËRGJEGJËSI NË RAST TË LËNDIMIT EVENTUAL TË BJESHKATARIT.

LUSIM PJESMARRËSIT QË NË ÇDO RAST GJATË ECJES TË QËNDROJNË AFËR GUIDAVE TONA. HIKING NJERI NUK MERR PËRGJEGJËSI NË ÇOFTËSE NDONJË INDIVID OSE GRUP ECË PA PREZENCËN E NDONJËRIT TË GUIDAVE TANË !

JU LUSIM QË TA RUANI AMBIENTIN !! 
NDALOHET HUDHJA E MBETURINAVE NË NATYRË !
Ju lusim që ato ti fusni në një qese dhe ti bartni me vete.
JU FALEMNDERIT !

Comments