Aktivitetet

Adventure Hike në Majën e Peklenës Rugovë

Ju informojmë se Hiking Njeri të Dielen më 22 Maj do të organizoj ecjen “Adventure in Peklena and Sushica canyon” në bjeshkë të Rugovës. Nisja e ecjes do të bëhet nga qyteti i Pejës ndërsa caku do të jetë kurrizi dhe Maja e Peklenës si dhe

Përshëndetje dashamirë të bjeshkatarisë dhe Hiking Njerit, shpresoj që të gjithë jeni mirë !!

Mbathni COKULLA !

Po e shkruajmë këtë në fillim pasi disa nga pjesmarrësit po pritojnë ta lexojnë textin deri në fund. Kur po vijnë me patika të thjeshta, po na thojnë se nuk kanë pasur nerva me lexu komplet lajmerimin. Mbathja e Pllanikave është një ndër elementet kryesore për bashkangjitje në ecjet tona. 

Ju informojmë se Hiking Njeri të Dielen më 22 Maj do të organizoj ecjen “Adventure in Peklena and Sushica canyon” në bjeshkë të Rugovës. Nisja e ecjes do të bëhet nga qyteti i Pejës ndërsa caku do të jetë kurrizi dhe Maja e Peklenës si dhe Kanjoni i Sushicës. Ecja është me vështërsi mesatare dhe do të bëhet nëpër shteg malor, në natyrën e egër por të bukur të Rugovës. 
Nisja bëhet nga Prishtina në orën 0700 të mengjesit dhe arritja do të bëhet në Pejë në orën 0915. 

Gjatësia e ecjes për në Peklene dhe Kanjon të Sushices është rreth 13 km dhe duke u bazuar në relievin dhe shtegun, hyn në kategorinë e ecjeve me vështërsi mesatare. Në krahasim me ecjen e fundit në Bogë, është më i vështirë. 

Gjatë këtij organizimi do të keni mundësi të ecni dhe shihni: Grykën e Rugovës, Vjellakun, Majën e Hasanit, qytetin e Pejës, Rrafshin e Dukagjinit, bjeshkët tjera të Rugovës dhe më shumë. Pamjet nga Peklena janë mahnitëse!

Mbathja DUHET të jetë me COKULLA (Pllanika), preferohen roba të lehta për ecje por edhe xhaketë kundër shiut dhe ndonjë duks. Bjeshkës nuk i dihet anipse prognoza thotë se moti të Dielën do të jetë me shumë diell. 

Për më shumë rreth çka duhet të merrni me veti ju lusim që të hyni në linkun e web faqes tonë:
http://hiking.njeri.net/rreth-nesh

Hiking Njeri fton të gjithë të interesuarit që ta rezervojnë vendin përmes telefonit 049 248 716 (viber) dhe 045 834 141 çdo ditë nga ora 1000 e mengjesit deri në orën 2100.

Regjistrimi vendit (blerja e biletave) bëhet çdo ditë nga dita e Enjëte (19 Maj) deri të Shtunën më 21 Maj nga ora 1700 - 1900 te fushat e tenisit në Breg të Diellit.

Hiking Njeri informon bjeshkatarët nga Ferizaji se një mjet transportues do të jetë te Viva Fresh / Jysk në orën 0700 të mengjesit. Nga aty do të shkoni te vendi i caktuar në bjeshkë dhe do të ktheheni prap në Ferizaj. 

Bjeshkatarët që vijnë nga qytetet tjera, rezervimin mund ta bëjnë edhe vetëm përmes telefonit.
Ushqimin, të cilin e blejmë gjatë rrugës ose e pregadisim vet para nisjës, e paguan secili për veti. 

I LUSIM PJESMARRËSIT QË TË JENË TË PËRPIKËT (disa minuta përpara) TE VENDI I NISJËS NË 0650 PR.
PËR ÇDO VONESË TË INDIVIDIT NUK MARRIM PËRGJEGJËSI. 

I LUSIM PJESMARRËSIT QË NË ÇDO RAST GJATË ECJES TË QËNDROJNË AFËR GUIDAVE TONA. HIKING NJERI NUK MERR PËRGJEGJËSI NË ÇOFTËSE NDONJË INDIVID OSE GRUP ECË PA PREZENCËN E NDONJËRIT TË GUIDAVE TANË!
OJQ HIKING NJERI NUK MERR PËRGJEGJËSI NË RAST TË LËNDIMIT EVENTUALTË BJESHKATARIT.

Tash ejani dhe shijoni bukuritë e Rugovës ! 


Live to the Maxx !
Hiking Njeri

p.s. i lusim të gjithë pjesmarrësit që të kenë shumë kujdes me natyrën. Nuk lejohet hudhja e mbeturinave nëpër bjeshkë. 

Comments